Acte de liurament dera Colleccion Val d’Aran. Depòsit der Antic Espitau de Santa Maria de Lhèida.


Pergamí 1334

Pergamí de la Col.lecció datat al 1334

Eth 25 de març de 2011, s’a hèt er acte de liurament deth conjunt documentau aranés custodiat des des ans 40 deth sègle XX ena ciutat de Lhèida. Er acte s’a celebrat ena Casa deth Senhor d’Arròs, sedença institucionau deth Conselh Generau d’Aran e der Archiu Generau d’Aran. Era Acta d’entrèga a estat signada peth president dera Deputacion de Lhèida, Jaume Gilabert, e eth sindic d’Aran, Francés X. Boya.

Signatura de l'acta de lliurament

En 1938 Manuel Abizanda, agent deth Servicio de Defensa del Patrimonio Artistico Nacional (SDPAN) se hec cargue dera documentacion dera vila de Salardú. En presbitèri dera glèisa se i trapèren tres caishes de husta damb documents en papèr, pergamins e libres. Amassadi er alcalde de Salardú e er agent deth SDPAN placèren era documentacion en dus sacs barradi e precintadi. Ua acta datada en pòble de Salardú en 13 d’octobre der an 1938 explique aguest hèt. Aguest legat s’envièc tà Saragossa ena Comissaria dera zòna de Levant en carrèr d’Isaac Peral num. 3  a on demorèren depausadi. Ua carta datada en aguesta ciutat en 1939 mos hè a conéisher eth listat de documents que s’emportèren de Salardú. Segundo Soriano, en nòm dera Comissaria, entreguèc era documentacion a Luis Bòya, archivèr der Archivo Històrico de la ciudad de Zaragoza. Un còp acabat er eveniment bellic era documentacion tornèc tara ciutat de Lhèida e se depausèc en Antic Espitau de Santa Maria, actuau sedença der Institut d’Estudis Ilerdencs. Er archiu istoric d’aguesta institucion se hec cargue de quauqu’uns des documents en papèr e en pergamin. Enes nosti dies, es documents an estat custodiats peth Servei d’Arxius i Llegats d’aguesta institucion lheidatana.

Eth conjunt documentau ei format per 269 documents en papèr e 45 pergamins deth Conselh Generau d’Aran; deth Terçon de  Pujòlo, deth Conselh dera Bartièra e des viles de Salardú, Bagergue, Tredòs, Gessa, Arties, Garòs, Gausac e Vielha (1334-1897).

Anuncis

Deixa un comentari

Filed under Arxius, Arxivers/eres

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s