Era Istòria Grafica d’Aran


Era Fondacion Musèu Etnologic dera Val d’Aran premanís era istòria grafica d’Aran des deth sègle XIX enquiath sègle XXI. Ei per tot aquerò qu’a començat a arremassar tot tipe de materiau grafic (grabats, postaus, fotografies, pannèus, huelhetons…) en blanc/nere o color. Es pòbles, era vida vidanta, era economia, es administracions locaus, er ensenhament, era religion, era cultura, es hèstes, er espòrt,… son quaquns des tèmes que s’inclodiràn en aguesta memòria.

Aguesta institucion culturau aranesa a hèt ua crida ara societat civila entà que collabori en aguesta iniciativa. En aguesti dies a començat era campanha de difusion deth projècte a traués des miejans de comunicacion aranesi. Eth Conselh Generau d’Aran a collaborat damb er enviament d’un huelheton informatiu a toti es vesins d’Aran.

Tot eth materiau aportat serà digitalizat en Archiu Generau d’Aran que coordine eth projècte e passarà a formar part d’un banc d’imatges sus era Val d’Aran.

Anuncis