Eth Libre Blanc deth Conselh Generau dera Val d’Aran (1632-1659) ja se pòt consultar on line


En hons documentau deth Conselh Generau dera Val d’Aran sonque se consèrven 3 libres d’actes des periòdes 1632-1659, 1772-1832 e 1832-1936. Era administracion dera maxima institucion aranesa ei reflectida enes escrits qu’arremassen aguesti libres.

Eth Conselh Generau sonque s’amassaue per ahèrs fòrça importants. Un cas concrèt abans se solucionaue enes conselhs de vila o enes conselhs de terçon e senon se trapaue solucion passaue a instància deth Conselh. Es amassades se hègen per: Jura deth governador reiau o deth jutge ordinari; visita tara Val d’Aran deth representant reiau; eleccion des oficis (sindic generau, conselhèrs, audidors de compdes); comptabilitat e ahèrs molt grèus tara Val. 

En es sègles XVII-XVIII es institucions politicoadministratives dera Val que regulaven es Ordinacions de 1616 de JuanFrancisco de Gracia continuen foncionant. Er 1 de gèr de 1716, Catalonha perdec es sòns drets, furs e institucions dempús dera Guèrra de Succession Espanhòla. Felip V dictèc eth Decrèt de Naua Planta iniciant ua epòca de centralisme. En Aran era institucion se conservèc, mès es competéncies sigueren cada còp mès redusides en benefici des representants reiaus, qu’a compdar de 1726 presidirien es sessions deth Conselh Generau. Damb era instauracion deth regim liberau en Estat espanhòu, a començaments deth sègle XIX, e era creacion des províncies, er an 1833, era Val d’Aran siguec incorporada ara província de Lhèida. Un an dempús, en 1834, ua Reiau Cedula dera reina governadora suprimic eth Conselh. A despiet dera abolicion d’aguesta institucion, es representants municipaus des pòbles dera Val, des der an 1877 regits per un Ayuntamiento, continuarien amassant-se periodicament en Vielha, mès aguestes amassades ja non aurien cap de poder efectiu.

 

Entre es ans 1994 e 1996, es libres sigueren restaurats per Josep Mª Palau Sallent de Barcelona. En 2009, era empresa Artyplan les digitalizèc laguens deth Plan de digitalizacion “Esteve Gilabert Bruniquer” promoigut pera Subdirecció General d’Arxius deth Departament de Cultura dera Generalitat de Catalunya.

Eth libre deth sègle XVII coneishut coma “Libre Blanc” ja se pòt consultar on line damb era opcion “Arxius en línea: Cercador de fons i documents” des Archius dera XAC. Lèu se poiràn consultar es des sègles XVIII e XIX.

Advertisements

1 comentari

Filed under Arxius, Difusió, El document del mes, Grup d'Arxivers de Lleida, Patrimoni

One response to “Eth Libre Blanc deth Conselh Generau dera Val d’Aran (1632-1659) ja se pòt consultar on line

  1. fulledenc

    Qu’ei una plan bona notícia entà toti!!!

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s