Què podem trapar en Archiu Generau d’Aran?


Entenem per colleccion eth conjunt o es conjunts de documents entre es quaus non i a cap de tipe de ligam o relacion organica. Ath darrèr d’ua colleccion i aurà practicament tostemps era accion d’un colleccionista, d’ua persona fisica, entitat o institucion qu’a format era colleccion, amassant-la e, tot soent, classificant-la, en foncion des interèssi e critèris plan diuèrsi.

Conselh Generau dera Val d'Aran

Sagèth deth rei Carles II (1700)

Ei important d’auer en compde qu’aguest grop ei reservat as colleccions en sentit mès estricte. Aquiu non entraràn es colleccions de pergamins d’un hons municipau, ne es fotografies d’un hons municipau, personau o institucionau. Ne es que configuren un archiu d’autor.

S’includiràn en aguest grop aqueri documents desparionats que pòden arribar en Archiu. Es diuèrses colleccions d’aguesti documents desparionats an d’èster acorropades en aguesti apartats: Documents en pergamin; sagèths; manuscrits e documents; gravats; fotografies; pannèus e cartografia e plans.

Colleccion Comunautat Eclesiastica de Nòsta Senhora de Cap d'Aran

Venta d’ues tèrres en Tredòs. 1600

Ena Colleccion de pergamins der Archiu i trapam 74 pergamins dera Comunautat Eclesiastica de Nòsta Senhora de Cap d’Aran de Tredòs. Era documentacion siguec depausada peth senhor Àngel Paba. Conten quate privilègis reiaus autrejats ara Comunautat Eclesiastica de Nòsta Senhora de Cap d’Aran entre es sègles XIV e XVI. Atau madeish conten es documents publics hèti pes notaris adscrits ad aguesta madeisha Comunautat. Subergés era colleccion des notaris Bertran de Miguel (1551-1595) e Guilhèm Palomer (1611-1650). Es documents son censaus, fondacions de misses, crompa-vendes, dòts, senténcies… Es censaus s’autregen ara madeisha Comunautat o a diuèrsi Confraries, com era de Sant Sebastian, Sant Sabi o Sant Estèue.

Era Colleccion de manuscrits e documents der Archiu ei formada per 42 unitats datades entre 1626 e 2010. En era i podem trapar es libres d’acòrds deth Conselh de terçon de Lairissa (1662-1844); eth document de nomentament de Juli Soler Santaló coma hilh dera Val d’Aran (1907) o eth huelheton deth Concors literari Setmana Aranesa (1925). Era sua procedéncia ei diuèrsa, es documents an arribat a trauès d’institucions publiques o privades o de particulars.

Manuel Solé de Bossòst, fotograf

Servici de corrèus Val d’Aran-Lhèida

Era Colleccion de fotografies der Archiu ei formada per 759 positius fotografics de diuèrsi autors, des quaus remercam as Frères Labouche de Toulouse, a Manuel Solé de Bossòst e a A. Zerkowitz de Barcelona. Era màger part d’aguesti positius son postaus que capten era Val d’Aran a començaments deth sègle XX. Aguestes imatges an arribat per donacion o per crompa. Ena Colleccion de sagèths der Archiu, i podem trapar eth sagèth en cera ròia deth rei Carles II (1700). Ena Colleccion de pannèus se i pòden trapar 164 unitats de tipologia diuèrsa datadi entre es ans 1977 e 2009. Ena Colleccion de cartografia e plans subergés eth plan dera Val d’Aran hèt per engenhaire José Reig en 1894.

Anuncis

Deixa un comentari

Filed under Grup d'Arxivers de Lleida, Patrimoni, Què podem trobar a...?

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s