18, 19 e 20 d’octobre. Jornades d’Estudi ena Val d’Aran


Presentacion de comunicacions e inscripcion enquiath 30 de seteme

Aguesta tardor, concretament es dies 18, 19 e 20 d’octobre, se celebraràn en Aran ues Jornades d’Estudi damb eth titol “Era Batalha de Murèth, 1213. Era Querimònia, 1313 e Era Grana Patzeria, 1513. Tres hites importantes entara Val d’Aran”. Aguestes son organizades peth Conselh Generau d’Aran, er Archiu Generau d’Aran e er Institut d’Estudis Aranesi.

Era Batalha de MurèthMuret-12131-130277_462x306

Era Batalha de Murèth auec lòc eth 12 de seteme de 1213, e sei enfrontèren Ramon VI de Tolosa e es sòns aliats, Pèir eth Catolic d.Aragon e Barcelona, Bernat V de Comenges e Ramon Roger I de Foish contra es crotzats e es tropes de Felip II de França, comandades per Simon de Montfòrt que participauen ena crotzada contra eth catarisme. Montfòrt guanhèc era batalha, ena quau moric Pèir eth Catolic. Era batalha de Murèth marquèc era fin dera expansion catalana per Occitània e er inici dera dominacion francesa.

Era Querimònia

queremonia 2013Eth document coneishut coma Querimònia siguec autrejat peth rei Jaime II eth Just en Lhèida, eth 23 d.agost de 1313, e siguec confirmat ath long deth temps pes successius monarques, des d.Alfons IV (1328) enquia Ferran VII (1817). Aquiu se reconeish per escrit quauqu.uns des drets consuetudinaris aranesi. Se i reconeish qu’es aranesi auràn es sues tèrres, vinhes, cases, casaus, frutèrs,  aigües,  mòles,  pesca,  caça,  arrosatges  e  aprofitaments  forestaus  e  de  peisheus complètament liures. Eth rei sonque se resèrve eth dret a percéber eth fogatge, un sextèrç de gran annau per casa. Se les reconeish eth regim economic familiar dera Mieja Guadanheria e eth retracte gentilici nomentat Torneria.

Era Grana Patzeria

Plan d’Arrem, 22 d’abriu de 1513. Tractat de patzeries signades pera Val de Loron, Larbost, Varossa, Oelh, Banhères, Aura, Nèsta, Frontinhes, casterania de Sent Biat, baronia e senhoria d’Aspèth, casterania de Castilhonés, vescomdat de Coserans e ciutat de Sent Líser, marquesat deth Palhars, vescomdat de Vilamur, Val d’Aran, comdat de Ribagorça, Val de Benasc, Val de Gistain, Barravès, baronia d’Erill, Abadia de Lavaix, baronia de Bielsa, baronia d’Orcau, vila de Tremp e Conca d’Orcau.CG-1624-14

Aguestes Jornades se centren en estudi d’aguesti tres eveniments e dera sua repercussion non sonque ena Val d.Aran, senon per tot eth Pirenèu e ena Occitània grana. Se poiràn presentar  comunicacions  sus  quaussevolh  des  tres  periòdes  istorics  prepausats e des de desparièrs punts d’enguarda: juridic, istoric, filologic, etnologic… Es comunicacions poiràn èster presentades en quinssevolh lengua des Pirinèus e anglès.

Es interessats en participar enes jornades miejançant era presentacion d’ua comunicacion poiràn enviar es sues prepauses  tara adreça de corrèu acvallaran.cultura@gencat.cat . Eth tèrme tà liurar eth tèxte definitiu, qu’aurà d’auer ua estenuda d’entre 21.000 e 25.000 caractèrs, ei eth dia 30 de seteme.

Mès informacion:  Huelheton Jornades

Maria Pau Gómez Ferrer.
Archiu Generau d’Aran
Anuncis

Deixa un comentari

Filed under Grup d'Arxivers de Lleida

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s