Qué podem trapar en Archiu Generau d’Aran?


Era libreta deth sindicat de Sanci Aunòs de Miguel. 1710-1712

Era documentacion patrimoniau aranesa ei fòrça rica e interessanta. En Archiu Generau d’Aran compdam damb 42 hons patrimoniaus de diuèrsi parçans aranesi. Un des mès importants ei eth de çò de Joanchiquet de Vilamòs. Ei format per 2.428 unitats documents, 474 libres e 22 pergamins. Damb aguest volum de documentacion auem 4 sègles dera istòria d’ua família des der an 1509 enquiàs ans 80 deth sègle XX.

Era casa des de Joanchiquet de Vilamòs

Era casa des de Joanchiquet de Vilamòs

Sanci Aunòs de Miguel

Sanci Aunòs de Miguel ei er ereu dera família Aunòs en període que va de darrèrs deth sègle XVII e començament deth sègle XVIII. Ei un des personatges mès importants dera casa ja que pendent es ans 1710-1711 e 1711-1712 ei elegit sindic generau dera Val d’Aran, un an abans auie estat conselhèr deth terçon de Lairissa.

Rebrembem qu’es oficis deth Conselh Generau dera Val d’Aran, a compdar des Ordinaciones de Juan Francisco de Gràcia de 1616, èren d’eleccion annau. Exepcionaument e segurament a causa deth conflicte bellic dera Guèrrra de Succession Espanhòla, Sanci aucuparà er ofici de sindic generau pendent dus ans seguidi.

En hons çò de Joanchiquet de Vilamòs se consèrve era libreta de compdes de Sanci coma sindic generau. Aguesta libreta a eth títol “Memorial del diner he amprat per compte de la Vall yo Sanci Aunos sindic general de la Vall”.

Libreta deth sindicat de Sanci Aunòs. 1710-1712

Libreta deth sindicat de Sanci Aunòs. 1710-1712

Er ofici de sindic generau

 Aguest ofici se reglamente enes Ordinaciones que Juan Francisco de Gracia redacte en 1616. Eth sistèma d’eleccion ère eth madeish qu’eth des conselhèrs. Se cuelhien es bosses dera arca, prumèr era des persones que se presentauen ath cargue de sindic des deth terçon de Pujòlo, dempús era d’Arties, era de Vielha, era de Marcatosa, era de Lairissa e era de Bossòst.  Totes se uedauen laguens d’un pòt de veire, dempús se cuelhie eth redolin que s’entregaue ath secretari. Aguest treiguie era cedula en pergamin de laguens deth redolin e la liegie en votz nauta. Era cedula se mostraue ath governador e as còssos, s’er elegit ère apte (maridat, mès gran de 30 ans, damb experiéncia en ahèrs publics, auer estat un an coma còsso dera sua vila o terçon, dar sòs…) e non auie cap d’impediment, segontes es ordinacions, podie èster nomentat Procurador o Sindic dera Val per un an.

Eth sindic ère facultat entath crubament des bens e rendes deth comun, d’arremassar es deutes des vesins dera Val o de quaussevolh persona, de hèr eth libre d’entrada e gessuda des compdes dera Val, d’anar tàs crides hètes pes conselhèrs des terçons, portar era correspondéncia, entre d’autes causes.

Sanci Aunòs signe com a sindic generau dera Val d'Aran

Sanci Aunòs signe com a sindic generau dera Val d’Aran

Eth document ja se pòt consultar a trauès dera opcion “Arxius en linea. Cercador de fons i documents”, de la Xarxa d’Arxius de Catalunya. Eth hons ei eth 190 0011 Çò de Joanchiquet de Vilamòs e çò de Capdet de Bossòst.

Deixa un comentari

Filed under Arxius, Grup d'Arxivers de Lleida, Història, Patrimoni, Què podem trobar a...?, Tradició

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s