Què pòdem trapar a….


Era correspondéncia der Ajuntament d’Es Bòrdes (1936-1938)

 

En hons der Ajuntament d’Es Bòrdes se conserve ua interessanta colleccion de correspondéncia des ans 1936-1938. Era sua lectura mos da a conéisher aguest interessant moment istoric que compren era Dusau Republica e era Guèrra Civila Espanhòla. Atau madeish, es documents mos demostren er intent de recuperacion deth Conselh Generau d’Aran, era maxima institucion aranesa, pendent es ans 1936-1937.

Una de les cartes de la sèrie. 1937

Ua des cartes dera sèrie Correspondència. 1937

En 19 de noveme de 1936, se receb un ofici deth Delegat dera Generalitat de Catalonha ena Val d’Aran, ena quau participe eth sòn nomenament e pren possession. Per aguest document coneishem dera sua existéncia. En acta der ajuntament de 23 de noveme de 1936 se ditz qu’eth Conselh hèr constar eth desagrado damb qu’a vist dit nomenament, donques hè retrocedir ara Val d’Aran, as temps dera dictadura, quan es cargues e despenes grandiosi non èren precisi en lo mès minim. En 4 de gèr de 1937, un nau delegat dera Generalitat de Catalonha ena Val d’Aran comunique eth sòn nomenament.

En 10 de hereuèr de 1937, eth delegat demane un informe des mèstres. En madeish dia era Delegacion, ena sua seccion d’orde public, demane relacion des existéncies de haria, arròs, sucre, trues, cigrons e mongetes e era obligacion de declarar de toti es ciutadans. Era madeisha seccion comunique que s’a de complir damb er acòrd deth plen deth Conselh dera Val a on demanen ua relacion des persones especializades ena tala d’arbes. Aguest ei eth prumèr còp que se parle deth Conselh Generau, semble que pendent es ans 1936-1937 se recupere era institucion segontes uns documents trapats en hons der ajuntament d’Es Bòrdes.

Detalh d'ua des cartes. 1937.

Detalh d’ua des cartes. 1937.

En 3 de març, eth delegat convoque as alcaldes aranesi entà ua amassada. Eth madeish dia era Delegacion Especiau dera Generalitat demane ua relacion deth bestiar mulam e cavalam. En 6 de març, s’ordene des dera Delegacion qu’eth prètz dera carn ath detalh serà eth madeish qu’abantes deth 18 de juriòl de 1936. En 8 de març, era Delegacion comunique er acòrd unanim deth Conselh dera Val que ditz que sonque se poirà véner pan racionat (250 gr. per persona/dia). En 17 de març, eth delegat comunique que i a ua amassada urgent. Per prumèr còp en aguesta correspondéncia apareish eth sagèth deth Conselh dera Val.

En 3 d’abriu, era Delegacion comunique ua amassada. Se torne a utilizar eth sagèth deth Conselh dera Val. En 6 d’abriu, eth delegat comunique qu’en 11 d’abriu se celebrarà ua hèira extraordinaria de bestiar mulam e cavalam. Eth madeish dia, comunique que segontes un acòrd deth Conselh dera Val s’a de hèr ua relacion des productes per tot un an de resèrva.

En 1937 (sense dia e mes), era Delegacion comunique un acòrd deth Conselh dera Val sus eth prètz der anhèt e crabit. S’utilize eth sagèth deth Conselh dera Val.

Sagèth deth Conselh Generau d’Aran. 1936-1937

Sagèth deth Conselh Generau d’Aran. 1936-1937

Archiu Generau d’Aran

Deixa un comentari

Filed under Arxius, Cultura, Difusió, Grup d'Arxivers de Lleida, Història, Patrimoni, Què podem trobar a...?

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s