‘ARAN. ISTÒRIA GRAFICA’


Un libre de fotografies entà preservar era memòria istorica dera Val d’Aran

En març de 2011 era Fondacion Musèu Etnologic dera Val d’Aran comence a premanir era Istòria Grafica d’Aran. Ad aguesta iniciatiua se hig er Archiu Generau d’Aran e damb era collaboracion deth Conselh Generau d’Aran se hè ua crida a tota era Val d’Aran.  Se demanen tot tipe de materiau grafic (grabats, postaus, fotografies, pannèus, huelhetons…) en blanc/nere o color. Es pòbles, era vida vidanta, era economia, es administracions locaus, er ensenhament, era religion, era cultura, es hèstes, er espòrt…son es prumèrs tèmes prepausats.

0001Ath long d’aguesti quate ans de trabalh s’an arremassat mès de ueit mil imatges, en tota sòrta de suports i formats. Non a estat un trabalh facil. Era demana, lèu pòrta a pòrta, a portat a granes surpreses e de viatges a granes decepcions, quan non s’a trapat aquera imatge de besonh tà illustrar ua des tematiques escuelhudes. Totes aguestes imatges arremassades s’an digitalizat e an passat a formar part d’un banc d’imatges sus era Val d’Aran. Aguesta informacion se depausarà en Archiu Generau d’Aran entara sua consulta e difusion. Aquiu s’inventariaràn e catalogaràn en tot seguir era normatiua archivisitica que facilitarà era sua recerca.

Era Istòria Grafica d’Aran a estat dividida en set capitols que vòlen arremassar quaquns des hèts qu’an configurat Aran. Es colleccions de postaus e fotografies hètes pes pioners dera fotografia en Pirinèu an proporcionat materiau entas prumèrs capitols deth libre. Es pòbles e era sua riquesa patrimoniau sigueren captats pes objectius d’aguesti viatgèrs e era sua vision ei com un viatge en temps. Auti objectius, es des fotografs professionaus e es des particulars, an contribuit ara elaboracion dera resta de capitols. Es prumèrs, fotografieren actes publics e privats e es dusaus capteren era vida vidanta des aranesi.

Presentacion deth libre ena sedença deth Conselh Generau d'Aran. 27 de març de 2015

Presentacion deth libre ena sedença deth Conselh Generau d’Aran. 27 de març de 2015

Eth grop de trabalh qu’a portat a terme aguest projècte a trabalhat damb imatges que mos ensenhen ua Val d’Aran non tan luenhana e que fòrça des que guardaràn aguest album rebrembaràn. Entad aqueri que non ac an pogut víuer, aguestes pagines les portaràn ara val des sòns pairsenhers. Ua val qu’aguesti darrèrs contribuiren a crear.

Eth libre a estat publicat per Pagès Editors e era Fondacion Musèu Etnologic dera Val d’Aran, tamb eth supòrt deth Conselh Generau d’Aran e er Ajuntament de Naut Aran.

Atau madeish, eth passat diuendres 10 d’abriu, se signèc eth contracte de depaus entre eth Conselh Generau d’Aran e era Fondacion Musèu Etnologic dera Val d’Aran entà depausar en Archiu Generau d’Aran tot eth materiau fotografic digitalizat, ues 7.500 imatges, ath long des ans de trabalh de dita Fondacion, en tot hèr exposicions, publicacions e sustot pendent era eleboracion deth libre ‘Aran. Istòria Grafica’.

Signatura deth contracte de depaus dera Colleccion dera Fondacion Musèu Etnologic dera Val d'Aran. 10 d'abriu de 2015

Signatura deth contracte de depaus dera Colleccion dera Fondacion Musèu Etnologic dera Val d’Aran. 10 d’abriu de 2015

Maria Pau Gómez Ferrer

Archiu Generau d’Aran

Deixa un comentari

Filed under Grup d'Arxivers de Lleida

Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s