Eth talhèr aurà lòc es dies 19, 20 e 21 de junh en Archiu Generau d’Aran
Eth talhèr a coma objectiu aufrir ues prumères règles entara organizacion des fotografies que sauvam enes archiu familiars, mès tanben entà gaudir d’aguestes madeishes imatges a traués dera Refotografia. Se preten, promòir era participacion des assistents ena organizacion des sues fotografies, tot aprenent, a trauès dera Refotografia, com situar-se en espaci descrit enes imatges e ena memòria que i contien.
Com organizar eth tòn archiu de fotografies. Susanna Muriel Ortiz
En aguesta session daram quauques idees entà que se poguen classificar e ordenar era colleccion de fotografies que toti sauvam en casa. Tanben explicaram es pautes entà documentar es fotografies e sauvar-les de forma adienta.
Es principaus contenguts seràn:
- Es colleccions de fotografies familiares.
- Coma “archivar” es nòstes fotos?
- Coma podem classificar es nòstres fotografies?
- Sistèmes entà ordenar es nòtres fòtos.
- Coma podem documentar es imatges dera nòsta colleccion.
Refotografia eth tòn archiu familiar . Ricard Martínez
En aguest talhèr se daràn ues orientacions simples entà refotografiar es nòstes fotografies familiares. Ei a díder, observar e hèr ua naua fotografia des deth madeish lòc a on se hec ua imatge anteriora. Es assistents tanben auràn era oportunitat de realizar un petit exercici practic entà desvolupar es sues pròpies refotografies. Eth talhèr se compause des següentes parts:
Introduccion teorica.
- Què ei era Refotografia
- Exemples de projèctes refotografics vinculats ath recòrd e àlbum familiar
Demostracion practica.
- Es diuèrsi formats en què se presenten es refotografies.
- Exemple practic de coma se hè ua Refotografia a cargue deth docent.
- Session de Refotografia a cargue des assistents ath talhèr
Eth talhèr aura lòc en Archiu Generau d’Aran – Casa deth Senhor -. Carrèr Major s/n 25537 Arròs (Val d’Aran).
Inscripcion gratuïta. Places limitades.
Telefòn: 973 642 569
Corrèu Electronic: acvallaran.cultura@gencat.cat
Grup d'Arxivers de Lleida 